Esep komıtetinde  qarajatty tıimdi jumsaý máseleleri boıynsha keńes ótti

Beınekonferensııa formatynda ótken keńeske Aýyl sharýashylyǵy mı­nıs­trliginiń, Bilim jáne ǵy­lym, Inves­tısııalar jáne damý, Qarjy, Ult­tyq ekonomıka, Ener­­getıka mınıs­tr­likteriniń, Ult­tyq banktiń, sondaı-aq oblys ákim­dikteriniń jáne óńirlerdegi tek­serý komıssııalarynyń ókil­deri qatysty. Jıyn barysynda Memleket basshysynyń áleý­met­tik bastamalaryn iske asyrýǵa bó­lin­gen qarajatty tıimdi paı­da­laný, tıisti jobalardy qar­jy­landyrý, josparlanǵan is-sharalardyń oryndalýyna monıtorıng júrgizý máseleleri, son­daı-aq normatıvtik jáne uıym­­das­tyrýshylyq sıpattaǵy problemalar talqylandy.

Jaýapty memlekettik organ­dar­dyń ókilderi halyqtyń tur­ǵyn úı satyp alýy úshin jańa múm­­kindikterdi qam­tamasyz etý, eń­bekaqysy tómen azamattar úshin salyqtyq júktemeni tó­men­­detý, joǵary bilimniń qol­je­tim­diligin, sapasyn arttyrý já­ne stýdentterdiń ómir súrý jaǵ­daı­laryn jaqsartý, mık­rokre­dıt berýdi keńeıtý, eldi odan ári gazdandyrý maqsatynda qa­byl­­danyp jatqan sharalar týraly baıandady. Prezıdent tapsyrmalarynyń júzege asyrylýy Esep komıtetiniń jáne tekserý komıssııalarynyń memlekettik aýdıtimen súıemeldenetini atap ótildi.

Keńes qorytyndysy boıynsha Mem­leket basshysy qoıǵan mindetterdi buljytpaı jáne ýaqtyly oryndaý maqsatynda, oryndaýshylardyń bıýdjet qara­jatyn ıgerý kólemin kórsete otyryp, Esep komıtetine toqsan saıyn aqparat usynatyny týraly sheshim qabyldandy.

Osy jıynda aıtylǵandaı, Esep komıteti men tekserý komıssııa­la­ry aýdıt obektileriniń alda­ǵy kezeńge arnal­ǵan tizbesin qalyp­tastyrǵan kezde oryndalýy min­detti túrde baqylaý júrgizýdi ta­­lap etetin aýqymdy áleýmettik joba­larǵa basa nazar aýdarmaq.

Arnur ASQAR,

«Egemen Qazaqstan»